12.07.2020

Валюта бағамы:

Қармақшы ауданы әкімінің блогы

Сұрақ №33: НУРЖАНОВА ЭЛЬМИРА | Берілген күні: 06.08.2018 15:55

СӘЛЕМЕТСІЗ БЕ? Менің күйеуімде өзімде жұмыссызбын. Өзім көп балалы анамын. Маған жұмыс тауып беруіңізді сұраймын және де әлеуметтік көмек жәрдемақы неге жылына бір рет берілу керек. Қалада алты ай сайын береді. Менің екі балама мектеп формасын беруді сұраймын. Осы сұрақтарыма жауап берсеңіздер. АЛЛАДАН ҚАЙТСЫН

Жауабы:

Сіздің Қармақшы ауданы әкімдігінің ресми интернет-ресурсындағы аудан әкімінің блогына жазған өтінішіңізге орай төмендегіше хабарлаймын.

Мемлекеттік атаулы әлеуметтік көмекті алу мақсатында 2018 жылдың 6 ақпанында Сіздің тарапыңыздан аудан әкімдігінің «Халықты жұмыспен қамту орталығына» (бұдан әрі - Орталық) өтініш берілген болатын. Өтінішіңізге сәйкес, Сізге шартты атаулы әлеуметтік көмек тағайындалып, әлеуметтік келісім-шарт жасалған және осы келісім-шартқа сәйкес жолдасыңыз 2018 жылдың ақпан айында қоғамдық жұмысқа жолданған. Бірақ, жолдасыңыз 2018 жылдың маусым айында қоғамдық жұмысқа дәлелсіз себептермен шықпай, әлеуметтік келісім-шарт талаптарын бұзған.

«Мемлекеттік атаулы әлеуметтік көмек туралы» Қазақстан Республикасының 2001 жылғы 17 шілдедегі № 246 Заңының (бұдан әрі - Заң)1 бабының, 10 тармағында «Шартты ақшалай көмек – жұмыспен қамтуға жәрдемдесу шараларына және (немесе) қажет болған жағдайда әлеуметтік бейімдеу шараларына табысы аз адамдардың (отбасылардың) міндетті қатысуы шартымен оларға ай сайынғы және (немесе) біржолғы ақшалай төлем нысанында көрсетілетін атаулы әлеуметтік көмек түрі» - деп көрсетілген.

Сонымен қатар, осы Заңның 4 бабының 12 тармағында «Шартты ақшалай көмек алушылармен әлеуметтік келісім-шарт табысы аз адам (отбасы) әлеуметтік келісім-шарттың талаптарын және жеке жоспардың іс-шараларын толық көлемде орындамаған, сондай-ақ, шартты ақшалай көмекті заңсыз тағайындауға әкеп соққан анық емес мәліметтер ұсынған жағдайда бұзылады. Әлеуметтік келісім-шартты бұзу шартты ақшалай көмектің төленуін тоқтату үшін негіз болып табылады» - деп айқындалған

Демек осы Заңда, шартты атаулы әлеуметтік көмек отбасындағы жұмысқа жарамды мүшесінің міндетті түрде жұмысқа қатысуы арқылы (жұмыс істеуі) тағайындалатындығы және жасалған әлеуметтік келісім-шарт талаптарын бұзған жағдайда шартты ақшалай көмектің тоқтауына негіз болатындығы түсіндірілген.

Яғни, шартты атаулы әлеуметтік көмек тағайындалған отбасындағы әлеуметтік келісім-шартқа отырған еңбекке жарамды мүшесі, ұсынылған қоғамдық жұмысқа міндетті түрде барып әлеуметтік келісім-шарт талаптарын орындауы тиіс.

Бұған қоса, «Халықты жұмыспен қамту туралы» Қазақстан Республикасының 2016 жылғы 6 сәуірдегі №482-V Заңының 22 бабының 4 тармағында «Қоғамдық жұмыстарға қатысуды өз еркімен, дәлелсіз себеппен тоқтатқан жұмыссыздар жұмыссыздар ретінде есептен шығарылады және жұмыссыздар ретінде қайта тіркелген күннен бастап үш ай өткен соң ғана қоғамдық жұмыстарға қайта жіберілуі мүмкін» - делінген.

Осыған орай, жолдасыңыз Орталыққа жұмыссыз ретінде қайта тіркелген күннен бастап үш ай өткен соң ғана қоғамдық жұмыстарға қайтадан немесе мамандығына орай берілген сұраныстарға сәйкес жұмыс орындарына жіберілуі мүмкін. Қазіргі таңда, Сіздің бала күтімімен үйде отыруыңызға байланысты шартты атаулы әлеуметтік көмекті тағайындауға негіз жоқ екендігін түсіндіремін.

Заңның 4 бабының 1 тармағына сәйкес, шартты ақшалай көмектің біржолғы төлем сомасы тек қана әлеуметтік келісім-шарт бойынша міндеттемелерді орындауға байланысты іс-шараларға, жеке қосалқы шаруашылықты дамытуға (малды, құсты сатып алу және басқа), дара кәсіпкерлік қызметті ұйымдастыруға (алдыңғы қарыздарды өтеуге, тұрғын үй сатып алуға арналған шығындардан басқа) пайдаланылатындығын есіңізге саламын.

Сонымен қатар, ауданда 2018 жылдың 1 тамызы мен 30 қыркүйек айлары аралығында «Мектепке жол» дәстүрлі жалпы республикалық қайырымдылық акциясының өткізілуі жарияланды. «Мектепке жол» акцияны ұйымдастыру мен өткізу туралы білім бөлімінің 18.07.2017 жылдың №512 бұйрығы шығып, іс-шара жоспары әзірленіп, бекітілді және барлық аудан мектептеріне таратылды.

Осыған орай, «Мектепке жол» акциясына байланысты аудандық білім бөлімі арқылы балаларға көмек көрсетілетін болады.

Өтінішіңізге сәйкес берілген жауапқа қанағаттанбаған жағдайда«Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес жоғары тұрған лауазымды тұлғаға немесе сотқа шағым жасауыңызға болатынын түсіндіремін.

  • Жарияланған күні: 22.08.2018 00:00

Сұрақ №32: НУРЖАНОВА ЭЛЬМИРА | Берілген күні: 06.08.2018 15:38

Сәлеметсіз бе? Мен көп балалы анамын. Жұмыссызбын. Күйеуімде жұмыс жоқ. Әлеуметтік жәрдемақыны негізі алты ай ай сайын алу керек. Неге біздің ауданда жылына бір ақ рет. Сонда менде күйеуімде жұмыс жоқ аштан өлемізба. Балдарыма мектеп формасын беруді сұраймын. Екі балама. Ана жылы екі балаға береді деп бір балаға берді. Сізден өтінем көмек берулеріңізді сұраймын.

Жауабы:

Сіздің Қармақшы ауданы әкімдігінің ресми интернет-ресурсындағы аудан әкімінің блогына жазған өтінішіңізге орай төмендегіше хабарлаймын.

Мемлекеттік атаулы әлеуметтік көмекті алу мақсатында 2018 жылдың 6 ақпанында Сіздің тарапыңыздан аудан әкімдігінің «Халықты жұмыспен қамту орталығына» (бұдан әрі - Орталық) өтініш берілген болатын. Өтінішіңізге сәйкес, Сізге шартты атаулы әлеуметтік көмек тағайындалып, әлеуметтік келісім-шарт жасалған және осы келісім-шартқа сәйкес жолдасыңыз 2018 жылдың ақпан айында қоғамдық жұмысқа жолданған. Бірақ, жолдасыңыз 2018 жылдың маусым айында қоғамдық жұмысқа дәлелсіз себептермен шықпай, әлеуметтік келісім-шарт талаптарын бұзған.

«Мемлекеттік атаулы әлеуметтік көмек туралы» Қазақстан Республикасының 2001 жылғы 17 шілдедегі № 246 Заңының (бұдан әрі - Заң)1 бабының, 10 тармағында «Шартты ақшалай көмек – жұмыспен қамтуға жәрдемдесу шараларына және (немесе) қажет болған жағдайда әлеуметтік бейімдеу шараларына табысы аз адамдардың (отбасылардың) міндетті қатысуы шартымен оларға ай сайынғы және (немесе) біржолғы ақшалай төлем нысанында көрсетілетін атаулы әлеуметтік көмек түрі» - деп көрсетілген.

Сонымен қатар, осы Заңның 4 бабының 12 тармағында «Шартты ақшалай көмек алушылармен әлеуметтік келісім-шарт табысы аз адам (отбасы) әлеуметтік келісім-шарттың талаптарын және жеке жоспардың іс-шараларын толық көлемде орындамаған, сондай-ақ, шартты ақшалай көмекті заңсыз тағайындауға әкеп соққан анық емес мәліметтер ұсынған жағдайда бұзылады. Әлеуметтік келісім-шартты бұзу шартты ақшалай көмектің төленуін тоқтату үшін негіз болып табылады» - деп айқындалған

Демек осы Заңда, шартты атаулы әлеуметтік көмек отбасындағы жұмысқа жарамды мүшесінің міндетті түрде жұмысқа қатысуы арқылы (жұмыс істеуі) тағайындалатындығы және жасалған әлеуметтік келісім-шарт талаптарын бұзған жағдайда шартты ақшалай көмектің тоқтауына негіз болатындығы түсіндірілген. Яғни, шартты атаулы әлеуметтік көмек тағайындалған отбасындағы әлеуметтік келісім-шартқа отырған еңбекке жарамды мүшесі, ұсынылған қоғамдық жұмысқа міндетті түрде барып әлеуметтік келісім-шарт талаптарын орындауы тиіс.

Бұған қоса, «Халықты жұмыспен қамту туралы» Қазақстан Республикасының 2016 жылғы 6 сәуірдегі № 482-V Заңының 22 бабының 4 тармағында «Қоғамдық жұмыстарға қатысуды өз еркімен, дәлелсіз себеппен тоқтатқан жұмыссыздар жұмыссыздар ретінде есептен шығарылады және жұмыссыздар ретінде қайта тіркелген күннен бастап үш ай өткен соң ғана қоғамдық жұмыстарға қайта жіберілуі мүмкін» - делінген.

Осыған орай, жолдасыңыз Орталыққа жұмыссыз ретінде қайта тіркелген күннен бастап үш ай өткен соң ғана қоғамдық жұмыстарға қайтадан немесе мамандығына орай берілген сұраныстарға сәйкес жұмыс орындарына жіберілуі мүмкін. Қазіргі таңда, Сіздің бала күтімімен үйде отыруыңызға байланысты шартты атаулы әлеуметтік көмекті тағайындауға негіз жоқ екендігін түсіндіремін.

Заңның 4 бабының 1 тармағына сәйкес, шартты ақшалай көмектің біржолғы төлем сомасы тек қана әлеуметтік келісімшарт бойынша міндеттемелерді орындауға байланысты іс-шараларға, жеке қосалқы шаруашылықты дамытуға (малды, құсты сатып алу және басқа), дара кәсіпкерлік қызметті ұйымдастыруға (алдыңғы қарыздарды өтеуге, тұрғын үй сатып алуға арналған шығындардан басқа) пайдаланылатындығын есіңізге саламын.

Сонымен қатар, ауданда 2018 жылдың 1 тамызы мен 30 қыркүйек айлары аралығында «Мектепке жол» дәстүрлі жалпы республикалық қайырымдылық акциясының өткізілуі жарияланды. «Мектепке жол» акцияны ұйымдастыру мен өткізу туралы білім бөлімінің 18.07.2017 жылдың №512 бұйрығы шығып, іс-шара жоспары әзірленіп, бекітілді және барлық аудан мектептеріне таратылды.

Осыған орай, «Мектепке жол» акциясына байланысты аудандық білім бөлімі арқылы балаларға көмек көрсетілетін болады.

Өтінішіңізге сәйкес берілген жауапқа қанағаттанбаған жағдайда«Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес жоғары тұрған лауазымды тұлғаға немесе сотқа шағым жасауыңызға болатынын түсіндіремін.

  • Жарияланған күні: 22.08.2018 00:00

Сұрақ №31: Бопажаева Сания Конысбеккызы | Берілген күні: 02.03.2018 00:41

Сәлеметсіз бе Сұлтан Ысқақұлы. Мен Бопажаева Сания Кармакшы ауданының тұрғынымын. Қызылорда қаласында Болашақ университетінде Жергіліктк мемлекеттік басқару мамандығын бітірдім. Қазір 5 жыл болды Астана қаласында жұмыс істеймін. Сізге сұрағым бар еді, егер ауылға барсам мені жұмысқа ала аласыз ба немесе әкімшілікте бос штаттар бар ма?! Уақыт бөлгеніңізге раxмет!

Жауабы:

Сіздің Қармақшы ауданы әкімдігінің ресми интернет-ресурсындағы аудан әкімінің блогына жазған сұрағыңызға:

«Халықты жұмыспен қамту туралы» Қазақстан Республикасының 2016 жылғы 6 сәуірдегі № 482-V Заңының 13 бабының 1 тармағында «Жұмыс іздеп жүрген, жұмысы және (немесе) табысы (кірісі) жоқ адам жұмысқа орналасуына жәрдемдесу үшін өтініш білдірген кезде, тұрғылықты жерi бойынша халықты жұмыспен қамту орталығында не «электрондық үкіметтің» веб-порталы арқылы мынадай құжаттардың:

1) жеке басын куәландыратын құжат;

2) еңбек қызметін растайтын құжат (бар болған кезде);

3) білімі, біліктілігі, арнайы білімінің немесе кәсіптік даярлығының болуы туралы құжат (бар болған кезде) негізінде жұмыс іздеп жүрген адам ретінде тіркеледі» делінген.

Аталған заң аясында, Сіз Қызылорда облысы, Қармақшы ауданы әкімдігінің Халықты жұмыспен қамту орталығына (бұдан әрі – орталық) жоғарыда көрсетілген құжаттарымен келіп, жұмысқа орналасуға жәрдемдесу үшін өтініш білдіре аласыз.

Алдағы уақытта, Сіз жұмыс іздеуші ретінде тіркеуге алынғаннан кейін қолданыстағы заңға сәйкес орталыққа мамандығыңыз бойынша жұмыс орындарынан сұраныстар түскен жағдайда, Сізді осы сұраныстарға сәйкес орталық өз кезектілігімен ұсынатын болады.

Берілген жауапқа қанағаттанбасаңыз, «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы12 қаңтардағы №221 Заңының 12 бабына сәйкес жоғары тұрған лауазымды тұлғаға немесе сотқа шағым жасауыңызға болатынын түсіндіремін.

  • Жарияланған күні: 05.03.2018 17:02

Сұрақ №30: Ұзынжасова Салтанат | Берілген күні: 23.01.2018 17:36

Саламатсыздарма. Мен осы Қармақшы аудан тұрғынымын. Сіздерден сұрайын дегенім былтыр, яғни 2017 жылы 1 топтағы мүгедек жандарға көмекші ретінде берілген 12000 т биыл да беріле ме? Инватаксиді тоқтамай жұмыс жасауына қамтамасыз етуіңізді сұраймын. Бұл инватакси мүгедек жандарды ауруханаға апарып келуге ауадай қажет. Сізден өтініп сұрарым күтушіге берілетін жəрдем ақыны, инватаксиді уақытылы берілуін қадағалауыңызды сұраймын. Көңіл бөлгеніңізге рахмет.

Жауабы:

Сіздің, Қармақшы ауданы әкімдігінің ресми интернет-ресурсындағы аудан әкімінің блогына жазған сұрағыңызға.

2018 жылға аудан бюджетін нақтылау барысында аудандағы жеке көмекшінің әлеуметтік қызметіне айына 60 сағаттан аспайтын қосымша қаражат қаралатын болады, яғни 2017 жылдағыдай 60 сағатпен төленеді.

Инватаксидің әлеуметтік қызметіне келетін болсақ, мүгедектерді тасымалдау бойынша (инватакси) әлеуметтік қызметтері (жүріп-тұруы қиын І топтағы мүгедектер үшін жеке көмекшінің әлеуметтік қызметтерін қоса айтқанда) «Мемлекеттік сатып алу туралы» заңының талаптары бойынша мүгедектер саны жұмыскерлердің тізімдік санының кемінде 50 пайызын құрайтын мүгедектердің қоғамдық бірлестіктері құратын ұйымдардан сатып алынады және осы инватаксидің әлеуметтік қызметі мемлекеттік сатып алудың қорытындысымен жеңімпаз атанған қоғамдық бірлестікпен жүргізіледі. Қазіргі таңда мемлекеттік сатып алу рәсімдері жүргізілуде.

Арызға сәйкес берілген жауапқа қанағаттанбаған жағдайда «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес жоғары тұрған лауазымды тұлғаға немесе сотқа шағымдануыңызға болады.

  • Жарияланған күні: 06.02.2018 10:28

Сұрақ №28: Диханбаева Гүлмира | Берілген күні: 04.01.2018 21:29

Мен Диханбаева Гүлмира Дүр Оңғар ауылының тұрғынымын, батыр анамын, 10 балам бар. Қазіргі таңда Дүр Оңғар ауылында төрт бөлмелі үйде тұрамын бір мүгедек балам бар, əлеуметтік жағдайым төмен, осыған байланысты аудан немесе ауыл көлемінде тұрғын үймен қамтамасыз етуіңізді сұраймын.

Жауабы:

«Тұрғын үй қатынастары туралы» Қазақстан Республикасының 1997 жылғы 16 сәуірдегі «Коммуналдық тұрғын үй қорынан тұрғынжайлар немесе жеке тұрғын үй қорынан жергілікті атқарушы орган жалдаған тұрғынжайлар осы елді мекенде тұрақты тұратын, тұрғын үйге мұқтаж Қазақстан Республикасының азаматтарына пайдалануға беріледі»-делінген.

Осыған сәйкес, Сіз тұрғын үй алатын жерде тұрақты тіркеуде болған жағдайда, Қызылорда облысы бойынша «Азаматтарға арналған үкімет» мемлекеттік корпорациясы коммерциялық емес акционерлік қоғамының Қызылорда облысы бойынша филиалы – «ХҚКО» департаменті Қармақшы аудандық бөліміне барып, тұрғын үйге мұқтаж ретінде өтініш жазып және ҚР Үкіметінің 2012 жылғы 26 маусымдағы «Мемлекеттік тұрғын үй қорынан тұрғын үйге немесе жеке тұрғын үй қорынан жергілікті атқарушы орган жалдаған тұрғын үйге мұқтаж ҚР азаматтарын есепке қою қағидаларын бекіту туралы» Қаулысының (Бұдан әрі-Қаулы) қағидаларына сай құжаттарын тапсырған жағдайда, тұрғын үй кезегінде тұрушы азаматтардың тізіміне алынып, өз кезегіңіз келген уақытта аудандық тұрғын үй комиссиясының шешімімен коммуналдық тұрғын үймен қамтамасыз етілетіндігіңізді жеткіземін.

Берілген жауапқа қанағаттанбасаңыз «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12-бабына сәйкес, жоғарғы тұрған лауазымды тұлғаға немесе субъект болмаған жағдайда сотқа шағым жасауыңызға болады.

  • Жарияланған күні: 23.01.2018 17:24

Сұрақ №27: Абдуллаева Майра Асылбековна | Берілген күні: 30.03.2017 10:51

Cәлеметсізбе Сұлтан Ысқақұлы! Менің сізге хат жолдау себебім 2016 жылдың қыркүйегінде Жосалы кентіне келін болып түстім. Сол уақыттан бері аудандық жұмыспен қамту, әлеуметтік бағдарламалар және хал актілерін тіркеу бөлімінде тіркеуде тұрмын. Өзім жоғары білімді маманмын. Сырдария ауданында балабақшада 6жыл тәрбиеші болып қызмет атқардым және I санатты тәрбиешімін. Арнаулы орта және жоғарғы оқу орындарын мемлекеттік грантпен оқыганмын. Қазіргі таңда үйде енем және күйеуім үшеуміз тұрамыз. Енем зейнеттегі кісі, "Алтын алқа" иегері. Соған қарамастан базарда нан сатады. Себебі алатын пенсиясы толығымен кредитке төлейді. Күйеуімде аудандық жұмыспен қамту, әлеуметтік бағдарламалар және хал актілерін тіркеу бөліміне тіркеле алмайды. Себебі "ИП" ашқан. Ол қазіргі уақытта нулевой жұмыс жасамайды. Енді менің сізден сұрарым біздей жас мамандарға аудан көлемінде жұмыс орны болмағаныма? Мекемелерді аралап та кордім аудан әкімінің орынбасары Б. Накиповқа да кірдім. Бірақ барлығы жылы шығарып салады. Ендігі үмітім өзіңізде.

Жауабы:

«Халықты жұмыспен қамту туралы» Қазақстан Республикасының 2016 жылғы 6 сәуірдегі № 482-V Заңының 13 бабының 1 тармағына сәйкес, Сіз жұмыс іздеп жүрген адам ретінде яғни, жұмысқа орналасуыңызға жәрдемдесу мақсатында берген өтінішіңізге орай 26.09.2016 жылы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің аудандық жұмыспен қамту орталығына тіркеуге алындыңыз.

Бірақ, қазіргі таңда бөлімнің аудандық жұмыспен қамту орталығына мектепге дейінгі тәрбие және бастауыш сынып мұғалімі мамандығы бойынша жұмыс орындарынан сұраныстар түспеген.

Дегенмен де, алдағы уақытта қолданыстағы заңға сәйкес бөлімнің аудандық жұмыспен қамту орталығына мамандығыңыз бойынша жұмыс орындарынан сұраныстар түскен жағдайда, Сіз осы сұраныстарға сәйкес жұмыс орнына немесе қоғамдық жұмысқа өз кезектілігімен ұсынылып, жолданатын боласыз.

Сонымен қатар, аудан көлемінде кәсіпкерлікті қолдау мен дамытуға бағытталған бағдарламаларға («Бизнестің жол картасы - 2020», «Даму - Өңірлер», «Микробизнес Қызылорда», «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған бағдарламасы») бизнес жобамен қатысуды ұсынамын.

Осыған орай, бизнес жоба дайындауда аудандық кәсіпкерлік, өнеркәсіп және туризм бөлімінен және Қызылорда облысының кәсіпкерлер палатасының Қармақшы ауданындағы филиалынан (Жосалы кенті, Көшербаев көшесі № 36 үй, байланыс телефондары 872437 2-31-08, 2-26-19) сүйемелдеу жұмыстарын алуыңызға болатындығын жеткіземін.

Берілген жауапқа қанағаттанбасаңыз, «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес жоғары тұрған лауазымды тұлғаға немесе сотқа шағым жасауыңызға болатынын түсіндіремін.

  • Жарияланған күні: 11.04.2017 11:54

Сұрақ №26: Шакупова Акмаржан Териковна | Берілген күні: 14.03.2017 15:18

Сәлеметсізбе! Сұлтан Ысқақулы Мақашов! Мені бір сұрақ толғандырып отыр. Жауабын Сізден ала аламыз деген үмітпен бірінші Сізге хат жолдауыма тура келіп отыр. Жосалы кенті Рүстембеков көшесі 46 үй тұрғыны ағам Тұнгышбаев Ерланның атына келген айыппұл жөнінде (есік алдындағы қоқыс) білгіміз келіп отырғаны. Сіздерде бірінші ЕСКЕРТУ деген болмайды ма? бірден бас сала аты жоқ -жөні жоқ сотқа шақырып және айыппұл салуды ғана біледі ме? Қандайда жағдай болсада бірінші тарапта ЕСКЕРТУ деген болатын, осынша уақыт ішінде Ескерту орындалмаса сол кезде сотқа жүгінуге болады, менің түсінбей отырғаным АІІБ-нің аға лейтенант Байшемиров Нуржан мырзаның ЕСКЕРТУСІЗ келіп ағам Тунгышбаев Ерлан ды үйден шығарып алып сотқа апарғандығы және сол мезетте айыппұл салдыруы! 16 000 тенге(он алты мың ) көлемінде есік алдындағы қоқысқа. Ағам Тунгышбаев Ерлан еш жерде жұмыс істемейді үйде анама қарап отырған ағам! Анам зейнеттегі кісі. Әлде АІІБ-нің аға лейтенанты ЕСКЕРТУ дегенді білмейді ма!

Жауабы:

Қазақстан Республикасының 2014 жылғы 5 шілдедегі №235 – V ҚРЗ Кодексінің әкімшілік құқық бұзушылық туралы заңының 434 бабында Ұсақ бұзақылық:1.Ұсақ бузушылық, яғни қоғамдық орындарда былапыт сөйлеу, жеке тұлғаларға қорлап тиісу , тұрғын үй-жайларды қорлау , ортақ пайдалану орындарын, саябақтарды, скверлерді ластау, оның ішінде айналасындағыларға сыйламаушылықты білдіретін , қоғамдық тәртіпті және жеке тұлғалардың тыныштығын бұзатын басқа да осындай әрекеттер – он айлық есептік көрсеткіш мөлшерінде айыппұл салуға не он тәулікке дейінгі мерзімге әкімшілік қамаққа алуға әкеп соғады делінген. Осы орайда нақтылайтын жәйт жоғарыда аталған Кодексте ескерту бермей тиісті шара қолданылатындығы жазылған.

Берілген жауапқа қанағаттанбасаңыз, «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес жоғары тұрған лауазымды тұлғаға немесе сотқа шағым жасауыңызға болатынын түсіндіремін.

  • Жарияланған күні: 25.03.2017 09:38

Сұрақ №24: Абауов Алпамыс | Берілген күні: 18.11.2016 15:25

Саламатсыз Сұлтан Ысқақұлы! Сіздің Қармақшы аудандық білім бөлімі мемлекеттік мекемесінің арнайы интернет-ресурсын ашу мәселесі бойынша Мемлекеттік мекемеде интернет-ресурс ашу үшін, мемлекеттік органның интернет-ресурсы gov.kz немесе мем.қаз домендік аймақтарында болуы және де интернет-ресурта жарияланатын ақпараттардың арнайы сақталуы орны (сервер) болуы қажет. Онымен қоса, интернет-ресурсты жасақтау және интернет-ресурсың техникалық сүйемелденуі де (жыл бойына және жыл сайынғы) тиісінше қаражатты қажет етеді, алайда алдағы уақытта ескерілетін болады - деп көрсеткен екенсіз. Уақытылы берген сауатты жауаптарыңыз үшін шексіз ризашылығымды білдіремін. Дегенмен, қазіргі таңда аудандық білім бөліміне интернет ресурс ашуға мүмкіндік болмаса, Сізден тағы да, ең болмаса Facebook сияқты көпшілікке қол жетімді әлеуметтік желіні пайдалануды ұсынып, Ұстаздар қауымы алдында мәселе көтерсеңіз. Бұл мәселені қайта-қайта көтеріп Сіздің алдыңызды қою себебім, қоғамда болып жатырған қаншама шешім таппай жатқан мәселелер ортақ ашық кеңістікте көпшілік алдында талқыланса, ауданның мәдени өмірі мен Білім саласына қатысты мәселелерді ортақ сауалдар қою арқылы оның да жауабын алу үшін қажеттіліктен туындап отыр. Бүгінде жылдам хабар алмасу заман, уақыт талабы. Аудандық Білім бөлімі ресми түрде өз парақшасын ашса, қоғам тарапынан жоданатын сауалдарды тікелей жазуға мүмкіндік туар еді! Шыны керек, арнайы ресми хат жазу, оны пошта арқылы жөнелту барлығы уақыт пен белгілі деңгейде ресурсты да талап етеді. Осы сауалды біржақты шешім тауып, көпшілікпен байланыс орнатуға ықпал жасауыңызды өтінемін.

Жауабы:

Құрметті Алпамыс! Сіздің өткен 2016 жылғы 18 қарашадағы жолдаған сауалыңызда «Қармақшы аудандық білім бөлімі» мемлекеттік мекемесінің «Facebook.com» әлеуметтік желісінде арнайы парақшасын ашу мәселесін көтерген болатынсыз.

Осыған сәйкес, Сіз ұсынып отырған мәселеге байланысты «Facebook.com» әлеуметтік желісінде «Қармақшы аудандық білім бөлімі» ММ-нің арнайы парақшасының ашылғандығын хабарлаймын.

Берілген жауапқа қанағаттанбасаңыз, «Жеке және заңды тұлғалардың өтініштерін қарау тәртібі туралы» Қазақстан республикасының 2007 жылғы 12 қаңтардағы №221 Заңының 12 бабына сәйкес жоғары тұрған лауазымды тұлғаға немесе сотқа шағым жасауыңызға болатынын түсіндіремін.

  • Жарияланған күні: 29.11.2016 12:35

Сұрақ №23: Абауов Алпамыс | Берілген күні: 02.11.2016 18:22

Саламатсыз құрметті Сұлтан Ысқақұлы! Қыркүйек айының 15-ші жұлдызында жазған өтініш хатым бойынша, Қармақшы ауданы білім бөлімі өз алдына дербес адресаттық сайт ашуға қаржылай мүмкіндігі бар мемлекеттік мекеме. Менің бұл сауалды қайтара қойып отырған себебім, Білім бөлімінің өз сайтын жарақтауға дербес тапсырма беріп, Білім бөлімінің өз сайтын әкімшіліктен бөлек жұмыс жасату және Сіздердің берген ақпараттарыңызды Билік; Қоғам интернет парақшасына топтастырып, бір-бірінен ажыратпай, аудандағы білім ошақтары, орта кәсіби және музыкалық білім беретін мектептер туралы. Оған баламызды оқыту үшін қандай талаптар қойылады деген қоғамдық көпшілікті қызықтырар ақпараттарды қамтыған мәліметтерді орналастырса деген игі тілекпен Сізге осы үшбу хатты жолдап отырмын. Мәселенің шешім табуы үшін міндетті түрде қаржыға қаратып, шешім шығаруды сиырқұйымшақты етіп қойылғандай, жауаптарыңыз екіұшты қалып отыр. Сондықтан, аудандық жастар бірлестігі арқылы бүгінде замануи технология (компьютерлік бағдарлама құру, сайт ашу және оған ақпарат орналастыру, арнайы домен сатып алу жұмыстарын) тілін білетін аудан жастарын тегін жұмыс күші, патриоттық іс-шараны қолдау мақсатында осы сайтты жұмыс жасатуға жұмылдырсаңыз екен?! Сіздердің тараптарыңыздан берілген қанағаттанатынымыз еш шүбәсіз! Тек, аталған Аудандық Білім бөлімінің өз алдына дербес сайт ашу, оны ақпараттармен толықтыру, оны іске асырудың жоспарда бар екендігі емес, аудан халқы үшін қажет ақпартты нақты қай күн демегенмен қай жылы, қай айда қолға алатындықтарыңызды атап көрсетсеңіздер екен?

Жауабы:

Құрметті Алпамыс! Сіздің өткен 2016 жылғы 15 қыркүйектегі жолдаған сауалыңызда да «Қармақшы аудандық білім бөлімі» мемлекеттік мекемесінің арнайы интернет-ресурсын ашу мәселесі көтерілген болатын. Мемлекеттік мекемеде интернет-ресурс ашу үшін, мемлекеттік органның интернет-ресурсы gov.kz немесе мем.қаз домендік аймақтарында болуы және де интернет-ресурта жарияланатын ақпараттардың арнайы сақталуы орны (сервер) болуы қажет. Онымен қоса, интернет-ресурсты жасақтау және интернет-ресурсың техникалық сүйемелденуі де (жыл бойына және жыл сайынғы) тиісінше қаражатты қажет етеді.

Қазіргі таңда бұл жұмыстарды атқаруға аудандық білім бөліміне аудандық бюджеттен қаржы қаралмағандықтан білім бөліміне интернет ресурс ашуға мүмкіндік болмай отыр.

Осыған сәйкес, Сіз ұсынып отырған мәселе алдағы уақытта ескерілетін болады.

Аудан әкімінің интернет-ресурсында білім саласына тиісті заңдар, мектептер және мектептен тыс ұйымдар туралы толық мәліметтер салынған. Білім саласы туралы қажетті мәліметтерді қазіргі уақытта осы аудан әкімдігінің интернет-ресурсының 1) Интренет-ресурсытың Билік/ Қармақшы ауданының әкімдігі/ Аудандық бөлімдер парақшасында аудандық білім бөлімі туралы жалпы ақпарат, 2) Қоғам/ Білім парақшасында Қармақшы ауданы бойынша білім саласындағы атқарылып жатқан жұмыстар, 3) Қоғам/ Білім / ҰБТ парақшасында 2014-2016 жылдарға аудан бойынша ұлттық бірыңғай тестілеу қорытындысы туралы, 4) Қоғам/ Білім / Білім беру мекемелерінің желісі парақшасында аудандық білім бөліміне қарасты мектептер туралы ақпараттармен танысуға мүмкіндік бар.

Берілген жауапқа қанағаттанбасаңыз, «Жеке және заңды тұлғалардың өтініштерін қарау тәртібі туралы» Қазақстан республикасының 2007 жылғы 12 қаңтардағы №221 Заңының 12 бабына сәйкес жоғары тұрған лауазымды тұлғаға немесе сотқа шағым жасауыңызға болатынын түсіндіремін.

  • Жарияланған күні: 14.11.2016 09:46

Сұрақ №22: Абауов Алпамыс | Берілген күні: 27.09.2016 18:39

Cаламатсыз Сұлтан Ысқақұлы! Сіз басқарып отырған ауданның, туған жеріміздегі білім ошақтарының заманауи аяқ алысын көріп, танысып отыру үшін нақтылы бір ақпарат керек болып, Қармақшы аудандық білім бөлімінің сайтын іздесек, аудандық әкімдіктің бөлімдері тізімінде жоқ болып шықты. Сонда бұл тұтастай бір аудандық Білім бөлімі интернетпен тығыз байланысты Жаңа бағдарламаны қалай енгізбекші?

Жауабы:

Құрметті Алпамыс! Сіздің заманауи ақпараттық технологияның қарқынды көшіне ілесу жолындағы ұсынысыңызға ризашылығымды білдіремін.

Қазіргі таңға «Қармақшы аудандық білім бөлімі» мемлекеттік мекемесі бойынша ақпараттар ауданы әкімдігінің ресми интернет-ресурсында орналастырылып келеді. Олар:

1. Интренет-ресурсытың Билік/ Қармақшы ауданының әкімдігі/ Аудандық бөлімдер парақшасында аудандық білім бөлімі туралы жалпы ақпарат;

2. Қоғам/ Білім парақшасында Қармақшы ауданы бойынша білім саласындағы атқарылып жатқан жұмыстар;

3. Қоғам/ Білім / ҰБТ парақшасында 2014-2016 жылдарға аудан бойынша ұлттық бірыңғай тестілеу қорытындысы туралы;

4. Қоғам/ Білім / Білім беру мекемелерінің желісі парақшасында аудандық білім бөліміне қарасты мектептер туралы ақпарат;

Жоғарыда айтылғанды қорыта келе, алдағы уақытта тек білім саласы ғана емес жалпы аудан бойынша барлық салаларда арнайы интернет-ресурс ашу жоспарда бар. Десе де аталған жұмыс қаржының реттілігіне қарай шешімін табатын болады.

Берілген жауапқа қанағаттанбасаңыз, «Жеке және заңды тұлғалардың өтініштерін қарау тәртібі туралы» Қазақстан республикасының 2007 жылғы 12 қаңтардағы №221 Заңының 12 бабына сәйкес жоғары тұрған лауазымды тұлғаға немесе сотқа шағым жасауыңызға болатынын түсіндіремін.

  • Жарияланған күні: 07.10.2016 10:39
Астана 20 жыл
Қызықты ақпарат
Сіз электронды үкіметтің порталы арқылы қызмет алдыңыз ба?
Халықтан сұхбат

Оқиғалар күнтізбесі