26.05.2020

Валюта бағамы:

Қармақшы ауданы әкімінің блогы

Сұрақ №21: Бекенов Азамат Алмасұлы | Берілген күні: 13.07.2016 12:04

Мен Қармақшы ауданы тұрғыны Бекенов Азамат Алмасұлы өз ұсынысымды білдіргім келеді. Себебі Қармақшы ауданы Көшербаев көшесінде орналасқан Халық банкі мекемесінің жұмысына менің және өзгеде жұртшылықтың көңілі толмайды. Ақша алу немесе аудару басқада банктік операция жасау өте қиындық тудырады. Қызметкерлері халықпен жұмыс істеу қызметі өте төмен дәрежеде. Банкомат апараттары өте аз, несие алу немесе төлеу үшін аудан орталығына бару қажет ал ол қарапайым халықтың қалтасына тиеді сондықтан елу үш мың халқы бар үлкен аудан орталығына бір ғана банк жеткіліксіз деп ойлаймын. Сондықтан басқада банктерді аудан орталығына шақыру немесе Халык банк бөлімшесінің жұмысын жақсарту банкомат апараттарын көбейту ретінде өз ұсынысымды білдіремін.

Жауабы:

«Халық Банкі» АҚ Байқоңыр қаласы бойынша филиалының Жосалы кентіндегі бөлімшесіне (әрі қарай – бөлімше) қарасты алты дана банкомат, мультикиоск, екі дана төлем 2 толем терминалы жұмыс жасайды.

Сонымен қатар, бөлімшеде заңды тұлғаларға екі кызметкер, жеке тұлғаларға төрт қызметкер және несие картасы бойынша үш қызметкер қызмет көрсетеді.

Сонымен бірге, электронды кезек орнатылған. Жалпы бөлімше қызметкерлері штатқа сәйкес жұмыс жасайды.

Оған қоса, Жосалы кентінде орналасқан 13 сауда орындарында тиімді қызмет көрсету үшін қолма-қол ақшасыз есеп айырысу үшін постерминал орнатылган. Берілген жауапқа қанағаттанбаған жағдайда, «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12-бабына сәйкес жоғары тұрған лауазымды тұлғаға немесе сотқа шағымдануыңызға құқылы екендігіңізді назарыңызға саламын

  • Жарияланған күні: 26.07.2016 11:47

Сұрақ №19: Набат Думан | Берілген күні: 09.06.2016 19:49

Cәлеметсізбе!Мен №107 орта мектептебінің түлегімен,ҰБТ-дан 81 балл жинадым,Тандау пәнім География.Жетістіктерім:Аудандық пәндік олимпиядадан Тарих пәні бойынша 2 орын,Облыстық олимпиядадан География пәні бойынша 3 орын және Халықаралық дәрежедегі "Человек и Природа" байқауынан 1 орын алдым. Сізден өтінерім облыс әкімінің грантына үміткер болғым келеді,Қандай мүмкіндік бар?Алдын ала рахмет  

Жауабы:

2013 жылдан бастап облыс әкімі Қ.Көшербаевтың бастамасымен халықтың әлеуметтік тұрғыдан осал топтарынан шыққан, өңірге қажет мамандықтар бойынша білім алушыларға оқу ақысын өтеуге әлеуметтік көмек көрсетіліп келеді. 2013-2014 және 2014-2015 оқу жылдарында аудан бойынша облыс әкімінің грантына ие болған 37 студентке әлеуметтік көмек тағайындалды.

Ағымдағы жылға да халықтың әлеуметтік тұрғыдан осал топтарынан шыққан, өңірге қажет мамандықтар бойынша білім алушыларға оқу ақысын өтеуге әлеуметтік көмек көрсету мақсатында облыс әкімінің грантына қосымша қаржы қаралды.

Осыған орай, Сізге облыс әкімінің гранты туралы қосымша ақпаратты аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінен алуға болатындығын хабарлаймын. Мекен-жайы: «Қармақшы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі» коммуналдық мемлекеттік мекемесі, Жосалы кенті, Рүстембеков көшесі №1, тел: 2-17-74, 2-28-59.

Берілген жауапқа қанағаттанбасаңыз, «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес жоғары тұрған лауазымды тұлғаға немесе сотқа шағым жасауыңызға болатынын түсіндіремін.

  • Жарияланған күні: 23.06.2016 17:12

Сұрақ №18: Канагатова Куландам | Берілген күні: 17.05.2016 16:03

Құрметті Әкім мырза! Менің өтініш-хатым Сізге жетпеген, себебі жауапты орындаушы маған 86-жастағы анасына ақыл кеңес беріпті, барлық Қаулымен және де сотқа беруіме болатынын түсіндіріпті, бұл не деген масқара мен тек өтініш сұрадым. Анаған бару керек, қолдаухат беру керек, сосын бір жылда қарауымыз мүмкін, реттік, кезектілік принциптері де сақталады делінген. Жақсы, бір жылда қарарсыңдар мен бұл өмірде жоқ болсам, онда шешімді қалай өзгертесіңдер. Үлгірмей қалуымызға байланысты деп шығаруы да мүмкін. Соғыс ардагері, Батыр -ана, еңбек ардагері ретінде аудандық ардагерлер ұйымына, ауылдық әкімге зерттеңдер деп бақылауға алуға болатын еді-ғой. Жауапты орындаушы мемлекеттік қызметкер өз міндетін толық орындамай отырған сияқты, себебі хатқа толық, мен қанағаттанатын негізді, қысқа жауап берілгені орынды деп санаймын. Президенттіміз қайта-қайта айтып жатқан жоқ па халықты сандалтпай толық жауап беріңдер деп.

Жауабы:

«Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 10 – бабының 1 – тармағында өтiнiштерге берiлетiн жауаптар Қазақстан Республикасының заңнамасына сiлтеме жасай отырып, мазмұны бойынша негiзделген және дәлелдi, мемлекеттiк тiлде немесе өтiнiш берiлген тiлде болуға, арыз берушiнiң қабылданған шешiмге шағым жасау құқықтарын түсiндiре отырып, оның дәлелiн жоққа шығаратын немесе растайтын нақты деректердi қамтуға тиiс- деп көрсетілген.

Осыған орай, Сіздің ұсынысынызға 2016 жылы 11 мамырда №вп-87 санды хатпен заң аясында толық жауап беріліп түсіндірілген болатын.

Берілген жауап хатта «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес осы шешіммен келіспеген жағдайда ғана шағымдану құқыңыз түсіндірілген.

«Қармақшы ауданының Құрметті азаматы» атағын алу үшін алдымен аудандық «Құрметті азаматы» атағын беру комиссиясына ұсыныс немесе қолдаухат тапсыруы қажет. Ұсынымға нақты сіңірген еңбектері, наградалары, мінездеме және 2-кі сурет (3х4, 6х9) қоса қамтылуы тиіс.

Осыған орай аудандық «Құрметті азаматы» атағын беру комиссиясына ұсынысыңыз келген жағдайда, кандидатураңыз комиссия назарында болып, алдағы уақытта комиссияда қаралатын болады.

Егер осы қабылданған шешіммен келіспеген жағдайда «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес жоғары тұрған лауазымды тұлғаға немесе сотқа шағымдануыңызға болатындығын хабарлаймыз.

  • Жарияланған күні: 30.05.2016 12:03

Сұрақ №17: Қанағатова Күландам | Берілген күні: 03.05.2016 17:35

Мен Қанағатова Күландам Тұрмағамбет ауылында тұрамын жасым 85 те. Ауылдың ең үлкен анасымын, ауылда соғыс ардагерлері қалмады. Соғыс ардагері Батыр ана, құрметті ұстаз 40-45 жыл осы ауылда мұғалім болдым. Оқушыларым ел басқарып, ауданда қызмет атқаруда. Оны мен мақтан тұтамын. 13 жасымда соғыс кезінде Сталин медалы «Ерен еңбегі үшін» медалымен марапатталдым. 10 бала туып тәрбиеледім, 21 немерем, 14 шөберем бар Аллаға шүкір. Зейнерақыны, Соғыс ардагері ретінде көмекті беріп жатырсыздар, Сіздерге рахмет. Абыройларың аса берсін. Менің өтініш-тілегім бар Соғыс ардагері, Батыр ана Құрметті ұстаз ретінде маған туған жерім Қармақшының құрметті азаматы белгісін Жеңіс мейрамына бекітіп беруіңізді сұраймын. Ол құрметке лайықпын деп есептеймін , өлгесін немере-шөберелерім мақтансын, өнеге алсын, соларға естелік болсын деймін Анаңның осы өтінішін қарап шешіп беруіңізді сұраймын және де жақсы хабар күтемін. Тұрмағамбет ауылы Соғыс ардагері Қанағатова Күландам.

Жауабы:

Сіздің, 2016 жылы 3 мамырда жолдаған ұсынысыңызға сәйкес төмендегіні хабарлаймын. «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6 – бабының 1– тармағының 12-2 тармақшасына және Қызылорда облыстық мәслихатының 2012 жылғы 6 желтоқсандағы №63 шешімімен бекітілген Ережесіне сәйкес «Облыстың (қаланың, ауданның) құрметті азаматы» атағы (бұдан әрі - атақ) Қызылорда облысының (Қызылорда қаласының, ауданның) әлеуметтік-экономикалық, ғылыми-мәдени, қоғамдық өмірдің басқа да салаларының дамуына, қайырымдылық жасау қызметінде, азаматтарды қазақстандық патриотизм рухына тәрбиелеуде, бейбітшілік пен достықты, ұлтаралық келісім мен татулықты нығайтуда қомақты үлес қосқан азаматтарға беріледі. «Қармақшы ауданының Құрметті азаматы» атағы аудан әкімінің өкіміне сәйкес аудандық мәслихат шешімімен бекітілген арнайы комиссиясының ұсынысы бойынша аудандық мәслихат шешімімен бекітіледі және аудандық марапаттау комиссия отырысы жылына бір-рет қаралады. «Қармақшы ауданының Құрметті азаматы» атағын алу үшін алдымен аудандық «Құрметті азаматы» атағын беру комиссиясына ұсыныс немесе қолдаухат беру керек. Ұсынымға нақты сіңірген еңбектері, наградалары, мінездеме және 2-кі сурет (3х4, 6х9) қоса қамтылады. Комиссия ұсынылған азаматтарды жас ерекшелеріне, атқарған қызметтік және қоғамдық істеріне, қоғамдағы алатын орындарына сәйкес топтастырып, сала- сала бойынша іріктеледі. Сондай-ақ реттілік, кезектілік принциптері де сақталды. Осыған орай аудандық «Құрметті азаматы» атағын беру комиссиясына ұсынысыңыз келген жағдайда, кандидатураңыз комиссия назарында болып, алдағы уақытта комиссияда қаралатын болады. Берілген жауапқа қанағаттанбасаңыз «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес жоғары тұрған лауазымды тұлғаға немесе сотқа шағымдануыңызға болады.

  • Жарияланған күні: 17.05.2016 09:51

Сұрақ №16: Тиышбаев Қанат Ибрагимұлы | Берілген күні: 18.04.2016 09:31

Ассалаумағалейкум Сұлтан Ысқақұлы! Мен Жосалы кенті, Мәдірайым Ишан көшесі № 33 үйдің тұрғынымын. Көшіп келіп үй салғаныма да міне 10 жыл өтті. Сізге қояр сауалым, ауыз су мәселесі өз шешімін таппай тұр. Көшеміздің 29, 31, 33, 35, 37 ші үйлерге ауыз су тартылмаган. Бізге кент әкімшілігі 4 сезон басталады сосын тартып береміз деген. Ол 4 сезон болады дегендерінеде 6 жыл уақыт өтті. Осы мәселе өз шешімін қашан табады екен. Біз ауыз суға жарымай отыра беруіміз керекпе алде. Қотыр-қотыр болып жатқан көшелерге жарық шамын орнатқанша, бізге ауыз су тартқызып беруіңізді сұраймыз. Құрметпен, көше тұрғындарының атынан алғысымыз.

Жауабы:

Қармақшы аудандық құрылыс бөлімі арқылы «Жосалы кентіндегі тұрғын үйлерге су құбырын жеткізу желілерінің құрылысы» объектісінің жоба-сметалық құжаттамалары әзірленіп, мемлекеттік сараптама қорытындысы алынды. Қазіргі уақытта, Қызылорда облысының энергетика және коммуналдық шаруашылық басқармасына аталған объектінің құрылысына қаржы бөлдіру мақсатында бюджеттік өтінім жолданды. Бұл жоба жүзеге асырылған жағдайда, Жосалы кенті көшелерінің қалып қойған тұрғын үйлеріне ауыз су желісін жүргізу, су құбырын жеткізу жұмыстары жүргізілетін болады.

Сонымен қатар, Жосалы кентінің ауыз су жүйелері мен қондырғылары ауданның коммуналдық меншігінен республикалық меншікке өткізілді. Кент тұрғындарына ауыз суды жеткізіп беру, судың ақысын жинау, ақауларды жөндеу, ауыз су құдықтарының бетін жабу, жалпы ауыз сумен қамтамасыз ету жұмыстармен «Казсушар» республикалық мемлекеттік кәсіпорынының «Арал» салынып жатқан кәсіпорындардың бірлескен дирекциясы филиалының «Октябрь» топтық су құбыры» өндірістік бөлімшесі құзырында. Сондықтан «Октябрь топтық су құбыры» өндірістік бөлімшесі арқылы ауыз суды тұрғын үйге тартуға өтініш беріп, кіргізуге болатындығын хабарлаймын.

Берілген жауапқа қанағаттанбаған жағдайда, «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12-бабына сәйкес жоғары тұрған лауазымды тұлғаға немесе сотқа шағымдануыңызға құқылы екендігіңізді назарыңызға саламын

  • Жарияланған күні: 30.04.2016 11:34

Сұрақ №15: Қалжанов Сәбит Балабекұлы | Берілген күні: 24.03.2016 10:44

Ассалаумағалейкум, әкім мырза. Кентіміздің көшелерінде өмірдің ағымына байланысты құрылып жатқан бейне бақылаулар, бағдаршамдарға қарап ризашылығымды білдіргім келеді. Дегенмен, осы кезде Абай Құнанбаев пен Қорқыт ата көшелерінің қиылысындағы бағдаршам Абай көшесінің бағытында "жасыл түс" көлік жүргізушісіне ескерту бермей бірден "сары түске" көшіп кетеді, және сол кезде кейбір жүргізушілер тоқтауға ұлгермей өтіп кетіп жатады. Әрине, сұрағымның тақырыбы өте маңызды емес болып көрінеді, бірақ тікелей көлік апатына жол беріп тұрған бағдаршамда осы кезге дейін ешкімнің шаруасы болмай тұр. Тағы бір осы сұраққа қосатыным, халыққа қызмет көрсету орталығының (ЦОН) алдына жаяу жүрушілірге арналған бағдаршамды тек жұмыс уақытында іске қосылып тұрса деймін (бұл өтінішке Жосалы көлік жүргізушілерінің бәрі қосылады деп ойлаймын), өйткені сағат 18:00, 19:00-дан кейін және таңертеңгі 08:30-ға дейін ол жерде жаяу жүрушілер мүлдем жоқтың қасы. Осы жағдайларға назарыңызды аударсаңыз деп өтінемін. Құрметпен, Қалжанов С. (8 705 257 42 73). 

Жауабы:

Қазіргі таңда аталған бағдаршамдар қалыпқа келтіріліп тиісті жұмыстар атқарып тұр. Бағдаршамдардың жұмыс атқаруы автоматты түрдегі орнатылған бағдарлама бойынша жүргізілуіне байланысты,халыққа қызмет көрсету орталығы алдындағы жаяу жүргіншілерге арналған бағдаршамның жұмыс кестесін өзгертуге мүмкіншілік жоқ екенін хабарлаймын. Берілген жауапқа қанағаттанбаған жағдайда, «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12-бабына сәйкес жоғары тұрған лауазымды тұлғаға немесе сотқа шағымдануыңызға құқылы екендігіңізді назарыңызға саламын.

  • Жарияланған күні: 03.04.2016 10:47

Сұрақ №14: Балгереева Гүлнәр Жеткербайқызы | Берілген күні: 16.03.2016 10:01

Сәлеметсіз ба! Мен өзім Астана қаласының тұрғынымын. Ата-анам Төретам кентінің тұрғындары, сол жерде туып өскен. Бірақ осы күнге дейін өз мүлігін жекешелендіре алмай отыр. Қандай көмек көрсете аласыз? Құлкашев көшесі 86 үй тұрғыны Байғабылов Жеткербай Қырғызбайұлы 2 топтағы мүгедек. Аяқ басса ақша төлеу керек деп отыр қызметшілер әкімшіліктегі. Сонда Мүлікті жекешелендіру заңы жоқ па?

Жауабы:

Төретам кенті әкімі аппаратының қызметкерлерімен зерттеу жұмыстары жүргізіліп, зерттеу барысында Төретам кенті, Құлқашев көшесі №86 үй тұрғыны Ж.Байғабыловпен кездесіп тұрғын үйдің құжаттары бар екендігі және тұрғын үй жеке меншігінде екендігі анықталды. Сонымен қатар Ж.Байғабыловтың берілген мәлімдемесіне сәйкес аталған тұрғын үйдің техникалық құжаттарын жаңарту қажет екендігі анықталған. Осыған сәйкес аталған тұрғын үй мүлікті жекешелендіру арқылы рәсімделуіне жатпайтындығы және тұрғын үйдің техникалық құжаттарын қайта жаңарту «Байқоңыр қалалық жылжымайтын мүліктерді тіркеу орталығы» арқылы шешілетіндігін түсіндіремін.

Берілген жауапқа қанағаттанбаған жағдайда, «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12-бабына сәйкес жоғары тұрған лауазымды тұлғаға немесе сотқа шағымдануыңызға құқылы екендігіңізді назарыңызға саламын.

  • Жарияланған күні: 27.03.2016 15:29

Сұрақ №13: Кенжеев Сабит | Берілген күні: 12.03.2016 10:53

Здравствуйте господин аким!  У меня вот какой вопрос? Мен Төретам қыстағы Абай көшесінде тұрамын осы қыстақта барлық көшелерге асфальт төселген барлық көшелерге тек қалып қойған Абай көшесі. Дүние жүзі Юнеско ұйымы ұлы Абайды құрмет тұтады, бірақ осы ұлы Абайдың көшесі батпақтан арылар емес, осы көше қашан асфальтанар екен?

Жауабы:

2014 жылы облыстық бюджеттен бөлінген қаржы көлеміне Төретам кентінің 15 көшесіне орташа жөндеу жұмыстары жүргізілді. 2014 жылы облыстық жолаушылар көлігі және автомобиль жолдары басқармасы тарапынан Төретам кентінің 27 көшесіне күрделі жөндеу жұмыстарын жүргізуге жобалық сметалық құжаттамалары рәсімделіп, мемлекеттік сараптамадан өткізілген. Осы жоба бойынша құрылыс жұмыстарын жүргізуге қажетті қаржы көлемі нақтыланып, тиісті бюджеттен қаржы бөлуге бюджеттік өтінім тапсырылған. Осы жұмыстармен бірге Төретам кентінің Абай көшесінің 1,09 шақырымына күрделі жөндеу жұмыстарын жүргізуге 38 748,0 мың теңге қаржы қажеттігі анықталды.

Осыған сәйкес, алдағы уақытта Төретам кентінің 27 көшелеріне күрделі жөндеу жұмыстарын жүргізуге тиісті бюджеттен қаржы қаралған жағдайда, Төретам кентінің көшелеріне, оның ішінде Абай көшесіне де күрделі жөндеу жұмыстары жүргізілетін болады.

Берілген жауапқа қанағаттанбасаңыз, «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12-бабына сәйкес, жоғарғы тұрған лауазымды тұлғаға немесе сотқа шағым жасауыңызға болады

  • Жарияланған күні: 25.03.2016 12:36

Сұрақ №10: Накыпова Сания Мырзабековна | Берілген күні: 26.01.2016 15:09

Жұмыспен қамту бағдарламасына сәйкес, ауылда кәсіп ашқысы келетіндер үшін 3 млн. теңге шамасында жеңілдетілген шағын несие берілетін болады."Нұр Отан" ХДП Орталық аппаратының кеңсесінде "Жұмыспен қамту-2020" бағдарламасының тиімділігіне қатысты өткен баспасөз мәслихатында Еңбек және халықты әлеуметтік қорғау министрі Гүлшара Әбдіқалықова осылай мәлімдеген болатын. Осы хабарландыру бойынша оз кәсібімді яғни жылқы малын өсіру ісімен айналысқым келеді. Ең алдымен қандай құжаттар жинасам және қай бөлімге апарып өткізетінім туралы мәліметтер бере аласыздар ма? Бұл бағдарлама әлі басталмаған болса қандай тағы да басқа бағдарламалар бар екенін білсем бола ма? Алдын ала көп-көп рахмет.

Жауабы:

Қазақстан Республикасының Президенті Елбасы Н.Ә.Назарбаевтың арнайы тапсырмасымен 2011 жылы «Жұмыспен қамту 2020» бағдарламасы қабылданып, 2011 жылдың 1 шілдесінен бастап ауданымызда осы бағдарламаны жүзеге асырушы Қармақшы аудандық жұмыспен қамту және әлеуметтік бағдарламалар бөлімі жанынан «Аудандық жұмыспен қамту орталығы» ашылып, жұмыс жасап келеді. 2012 жылы «Жұмыспен қамту 2020» бағдарламасының атауына өзгерістер енгізіліп «Жұмыспен қамту 2020 жол картасы» бағдарламасы болып өзгертілді. Бағдарлама үш бағыттан тұрады. Атап айтқанда:

Бірінші бағыт: Инфрақұрылымдық жобалар аясында жұмыс орындарын құру;

Екінші бағыт: Ауылдық жерде кәсіпкерлікті дамыту;

Үшінші бағыт: Оқыту және еңбек ресурстарының ұтқырлығын арттыру.

Сіздің сауалыңыз бойынша ауылда кәсіп ашқысы келетіндер үшін 3 млн тенге шамасында жеңілдетілген шағын несие алу...

«Жұмыспен қамту 2020 жол картасы» бағдарламасының ІІ бағыты «Ауылдық жерде кәсіпкерлікті дамыту» аясында шағын несиелер беру қарастырылған. Несиенің сомасы 3 млн тенгеге дейін. Несие қайтарымды және кепілдік негізінде беріледі. Несиені беру бағыттары бойынша кәсіптің 56 түрі бекітілген. Оның ішінде «Жылқы малын өсіру және көбейту» жөнінде кәсіптің түрі қамтылған.

Осы бағдарлама аясында тиісті несие алып, жылқы малын өсіру кәсібімен айналысқыңыз келсе, ең алдымен Қармақшы ауданында «Жұмыспен қамту 2020 жол картасы» бағдарламасын жүзеге асырушы Қармақшы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің «Аудандық жұмыспен қамту орталығы» коммуналдық мемлекеттік мекемесіне (мекен-жайы: Жосалы кенті, Рүстембеков көшесі №1 үй, тел: 8/72437/2-26-40, 2-28-94) келіп жолығуыңыз қажет.

Сондай-ақ, ауданымызда кәсіпкерлікті қолдау мен дамытуға бағытталған түрлі бағдарламалар іске асырылуда. Қаржылай қолдау төменгі пайызбен несиелендіру және қайтарымсыз грант түрінде беріледі.

Грант беру бойынша - «Бизнестің жол картасы 2020» бизнесті дамыту мен қолдауға арналған бірегей бағдарламасы шеңберінде жобаларды ұйымдастыру және іске асыру үшін гранттар ұсыну және Ресейдің «Лукойл» мұнай компаниясының «Ақниет» әлеуметтік-әріптестік бағдарламасы шеңберінде бизнес жобаларға қайтарымсыз қаржы бөлу. Сонымен қатар, 2015 жылы облыс әкімі Қ.Көшербаевтың тапсырмасымен «Байқоңыр» әлеуметтік кәсіпкерлік корпорациясы» ұлттық компаниясы» акционерлік қоғамының «Демеу» гранттық бағдарламасы іске асырылды. Грантқа қол жеткізу конкурс негізінде жүзеге асырылады. Талапкер конкурс комиссиясының қарауына бизнес-жоспар ұсынады.

Төмен пайызбен несиелендіру «Бизнестің жол картасы 2020» бизнесті дамыту мен қолдауға арналған бірегей бағдарламасы шеңберінде екінші деңгейлі банктерден алынған несиенің пайызын төмендету және ішінара кепілдендіруден тұрады. Несие пайызын төмендету (субсидиялау) және кепілдендіру «Даму» кәсіпкерлікті қолдау қоры арқылы жүзеге асырылады. Несие 14%-бен беріледі, оның 10% субсидияланады («Даму» қоры арқылы) несие алушы 4%-бен қайтарады. Несие сомасын кепілдендіру, «Старт ап» бағдарламасы бойынша ісін жаңа бастаған кәсіпкерлерге, 85%-на дейін, жұмыс жасап тұрған кәсіпкерлік субъектілері үшін 50%-на дейін «Даму» қоры арқылы іске асырылады.

2014 жылдың аяғында құрылған «Қызылорда» Өңірлік инвестициялық орталығы» ЖШС кепілдеме мүлік қою арқылы төмен пайызбен бизнес жобаларды несиелендіруде. Несие көлемі 10,0 млн теңгеге дейін, жылдық пайыздық мөлшері 7%.

Осы бағдарламалармен қатар, Қызылорда облысындағы Біріккен Ұлттар Ұйымының Даму бағдарламасының «Аймақтық экономикалық даму және тиімді басқару» бағдарламасының операторы, тұрақты дамуға мүмкіндік беретін инклюзивті, инновациялық, «жасыл» бизнес-жобаларды және экологиялық және этникалық туризмді дамытуға бағыталған бизнес-жобалардың конкурсын өткізіп отырады. Бағдарлама аясында Қызылорда облысының барлық аудандарында шағын кәсіпкерлерге пайызсыз және кепілсіз несие береді. Несие мерзімі – 1 жыл, несиенің сомасы - 1 500 000 тенгеге дейін.

Бағдарламалар шеңберінде кәсіпкерлік жобаны қаржыландыру мәселесіне қатысты қосымша ақпаратты аудандық кәсіпкерлік, өнеркәсіп және туризм бөлімінен (мекен жайы: Жосалы кенті, Көшербаев көшесі 36 үй, тел: 8/72437/2-26-19, 2-31-08) алуға болатындығын жеткіземін.

Берілген жауапқа қанағаттанбаған жағдайда, «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12-бабына сәйкес жоғары тұрған лауазымды тұлғаға немесе сотқа шағымдануыңызға құқылы екендігіңізді назарыңызға саламын.

  • Жарияланған күні: 05.02.2016 11:54

Сұрақ №9: Абауов Алпамыс | Берілген күні: 20.01.2016 19:06

Cаламатсыз Сұлтан Ысқақұлы! Сіз басқарып отырған аудан аумағында Қорқыт Ата кешені орналасқан. Сол кесене болды деп айтылатын дария жағасындағы, кешеннің арғы жағы бүгінде саяхаттаушылар мен зиарат етушілердің сүйікті орны десе болады. Қаншама алыс жерден келушілер келіп, дария жағасына барып, жағалауды көргісі келеді. Мұндағы айтпасқа болмайтын жәйт, қәзіргі заманауи қабір мен қорымдар Қорқыт Ата кешенінің темір жолдан асып өткеннен кейінгі бөлігі мен дария жағалауы арасын тарылтып, қойылымдар көбейіп барады. Осыған байланысты жергілікті тұрғындар мен аудан халқының азаматтарына есеп беру кезінде түсіндірме жұмыстары жүргізілсе екен! Алдын ала рақмет!

Жауабы:

Қазіргі таңда Сіз айтып отырған қорымдар жабылған. Тек бұрыннан ата-бабалары осы жерде жатқан бірен-саран адамдар болмаса, бұл жерге қазір мәйіттер жерленіп жүрген жоқ. Сондай-ақ, алдағы уақытта Қорқыт ата кешені маңайындағы қорымдарға жерлеуді тоқтату жөнінде Жосалы кенті әкімінің уақытша міндетін атқарушы А.Мереков 25 қаңтар күні елді мекен тұрғындарымен есепті кездесу барысында Қорқыт, Диірментөбе елді мекендері тұрғындарына түсіндірме жұмыстарын жүргізді. Берілген жауапқа қанағаттанбаған жағдайда Қазақстан Республикасының «Жеке және заңды тұлғалардың өтініштерін қарау тәртібі туралы» 2007 жылғы 12 қаңтардағы №221 Заңына сәйкес бағыныстылық тәртібімен жоғары лауазымды тұлғаға немесе басқа да құзырлы органдарга шағымдануыңызға болады.

  • Жарияланған күні: 29.01.2016 15:24
Астана 20 жыл
Қызықты ақпарат
Сіз электронды үкіметтің порталы арқылы қызмет алдыңыз ба?
Халықтан сұхбат

Оқиғалар күнтізбесі