09.12.2019

Валюта бағамы:

Ауданның инвестициялық тартымдылығы

2019 жылдың ІІІ-тоқсанында инвестиция тарту бойынша атқарылған жұмыстар

Жосалы кентіндегі №1 индустриялық аймақты қажетті инфрақұрылым желілерімен (электр, су, жол)қамтамасыз етуге 2016 жылы «Бизнестің жол картасы-2020» бағдарламасы шеңберінде бюджеттен 121,0 млн. теңге бөлініп, құрылыс жұмыстары жүргізілді. Электрмен жабдықтау бойынша (450 кВт, ВЛ-10 кВ) тартылған электр желісінің ұзындығы 4,5 км, кВа-630 трансформаторы орналастырылған, жүргізілген су құбырының ұзындығы 1,85 км, автожолдың ұзындығы 845 м, ені 14 м. Индустриялық аймақтың жалпы ауданы 15 га.

Индустриялық аймақта жалпы ауданы 3,1 га жерге 2 кәсіпорын орналастырылды:

1-ші жоба: «Мир-2001» ЖШС-нің (Ажмолдаев Сейфулла) «Құрылыс құмын және бетон бұйымдарын өндіру цехы» жобасы. Табысталған жер телімі 2,5 га. Жоба 2017 жылдың қыркүйек айында іске қосылды. Қазіргі таңда, бордюлер, брусчаткалар, сплиттерлік блоктар шығаруда, құрылыс құмын (фракцияларға бөліп) өндіруде Жұмыспен қамтылғандар саны 12 адам. Жобаға салынған инвестициялар көлемі 85,0 млн теңгені құрады. Кәсіпорын алдағы уақытта Байқоңыр қаласында орналасқан (площадка №9) шағын бетон бұйымдарын шығару зауытын индустриялық аймаққа көшіруді жоспарлап отыр. Зауыт көшірілген жағдайда салынған инвестициялар көлемі артады;

2-ші жоба: «Аят-Темір» ЖШС (Бердібаев Қайрат) «Металл қалдықтарын қайта өңдеу» жобасы. Табысталған жер телімі 0,6 га. Аудан әкімдігі және аудандық кәсіпкерлер палатасы арқылы сүйемелдеуге алынып, жобаның бизнес жоспары және сметалық құжаттамалары әзірленді. Жобалық құны 118,0 млн теңге.

Жобаны іске қосу үшін индустриялық аймаққа берілген электр энергиясының қуаты кәсіпорынның қажеттілігін қанағаттандырмайды. Сол себепті жобаға өз алдына электр желісін жүргізу жоспарлануда. Қазіргі таңда, ЖСҚ-сын әзірлеуге аудандық экономика және бюджеттік жоспарлау бөліміне бюджеттік өтінім тапсырылды. Қажетті электр энегргиясының қуаты 2000 кВт.

Қазіргі таңда, жобаға салынған инвестициялар көлемі 37,0 млн теңге (құрылысына 20,0 млн теңге, құрал-жабдықтар 17,0 млн теңгеге). Алдағы уақытта, жетіспейтін құрал-жабдықтар сатып алу бойынша келісім-шарттар жасалуда.

Бизнес жоспарға сәйкес, кәсіпорынның қуаттылығы тәулігіне 5,0 тонна металл қалдықтарын қайта өңдеуден өткізу. Өндірілетін өнім түрі құрылыс материалдары (арматуралар, профильдер, угольник, брустар ж т.с.с.). Пайдаланылатын шикізат «Байқоңыр» космодромының қалдықтары. Қазіргі таңда, Ресей тарапымен (ЦЭНКИ) айына 1000,0 тонна металл қалдықтарын жоюға (утилизация) келісім-шарттар жасалған, сонымен қатар, металл бұйымдарын (металлические листы) өткізу бойынша тапсырыстар қабылдауда;

Облыс әкімінің тапсырмасына сәйкес, ағымдағы жылдың соңына дейін кемінде бір жобаны индустриялық аймаққа орналастыру бойынша іріктеу жұмыстары жүргізілуде. Қазіргі таңда, «СырЦентрСервис» ЖШС-нің(Жақыпов Еркін) пайдаланылған дөңгелектерін және пластик қалдықтарын қайта өңдеу арқылы бу қазандықтарына арналған сұйық отын өндіру жобасы сүйемелдеуге алынды. Жобаға қажетті жер көлемі 2000 шаршы метр. Алдын ала есептеулерге сәйкес, жобаның қуаттылығы тәулігіне 4 тонна қалдықтарды қайта өңдейді. Қайта өңделген қалдықтардың 50 пайызынан (2 тонна) сұйық отын және 30 пайызынан (1,2 тонна) қатты отын өндіріледі.

Индустриялық аймаққа орналастырылған екі жоба бойынша салынған инвестиция көлемі 122,0 млн теңге («Мир-2001» ЖШС 85 млн теңге, «Аят-Темір» ЖШС 37 млн теңге). Бюджеттен бөлінген (121 млн теңге) қаржының 1 теңгесіне жеке инвестиця 1 теңге көлемінде салынып отыр. Алдағы уақытта «Мир-2001» ЖШС-нің Төретам кентінде орналасқан шағын зауытын индустриялық аймаққа көшіретін болса және «Аят-Темір» ЖШС-нің жобасы толығымен іске қосылған кезде салынған инвестиция көлемі артатын болады.


2019 жылдың ІІ-тоқсанында инвестиция тарту бойынша атқарылған жұмыстар

Ағымдағы жылдың қаңтар – маусым айларында ауданға инвестиция тарту шаралары шеңберінде, шағын жобаларды қаржыландыру бойынша «Бизнестің жол картасы-2020» бизнесті қолдау мен дамытудың бірыңғай бағдарламасы аясында 16 жобаны 191,1 млн теңгеге қаржыландыру екінші деңгейлі банктерде мақұлданды. Сонымен қатар, екінші банктің қарауына ұсыну үшін жалпы құны 83,0 млн. теңге болатын 4 жобаның құжаттары әзірленуде.

«Қызылорда» ӨИО» МҚҰ» ЖШС-гі арқылы «Микробизнес-Қызылорда» бағдарламасының аясында І-ші траншымен 13 жобаны 59,0 млн теңгеге мақұлданды.

БағдарламаныңІІ-ші траншына2019 жылдың 28 маусымда өткен Бақылау Кеңесінің отырысы назарына жалпы құны 130,5 млн. теңге болатын 28 жоба ұсынылып, құны 39,5 млн. теңге 11 жоба қолдау тапты. Қосымша «Микробизнес-Қызылорда» бағдарламасыныңІ-ші траншымен игерілмеген 11,0 млн теңге қаржыға жалпы құны 11,0 млн. теңге болатын 3 жобаы ұсынылып, құны 8,0 млн. теңге құрайтын 2 жоба қолдау тапты.

Бұдан бөлек, «Қызылорда» ӨИО» МҚҰ» ЖШС-гі арқылы «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек» бағдарламасы шеңберінде Қармақшы ауданына 62,5 млн. теңге қаралды. Бағдарллама шеңберінде қаржыландыру мақсатында Бақылау Кеңесінің отырысы назарына жалпы құны 193,0 млн. теңге құрайтын 57 жоба ұсынылып,құны 59,0 млн. теңге болатын 23 жоба мақұлданды.

«Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек» бағдарламасы шеңберінде «Ауылшаруашылығын қаржылай қолдау қоры» АҚ арқылы қаржыландыруға Қармақшы ауданынан 32жоба ұсынылды. Қазіргі уақытта, «АШҚҚҚ» АҚ тарапынан жобалардың құжаттарызерделенуде.

Облыс әкімдігі тарапынан Қармақшы ауданында орналасқан әлемге танымал «Байқоңыр» ғарыш айлағының туристтік әлеуетін ұтымды пайдалану мақсатында, Төретам кенті тұсынан туристік ойын-сауық орталығын құру мүмкіндігін қарастыруда. Қазіргі таңда, жобаны іске асыруға қажеттіжер көлемі анықталып (50 га), рәсімдеу жұмыстары жүргізілуде.


2019 жылдың І-тоқсанында инвестиция тарту бойынша атқарылған жұмыстар

Ағымдағы жылдың қаңтар-наурыз айларында ауданға инвестиция тарту шаралары шеңберінде шағын жобаларды қаржыландыру бойынша «Бизнестің жол картасы-2020» бизнесті қолдау мен дамытудың бірыңғай бағдарламасы аясында 11 жобаны 136,1 млн теңгеге қаржыландыру екінші деңгейлі банктерде мақұлданды. Сонымен қатар, «Микробизнес-Қызылорда» бағдарламасы аясында 13 жобаны 59,0 млн теңгеге қаржыландыру мақұлданып, құжаттары «Қызылорда» Өңірлік инвестициялық орталығы» ШҚҰ ЖШС-не ұсынылды.

Қаржыландырылған жобалардың ішінде өнеркәсіп саласындағы төмендегі жобаларды атап өтуге болады:

1) «Қармақшы құрылыс» ЖШС-нің «Кірпіш зауытын құру» жобасы. Жобаны «Бизнестің жол картасы-2020» бизнесті қолдау мен дамытудың бірыңғай бағдарламасы аясында қаржыландыруға қол жеткізілді. Несие көлемі 15,0 млн. теңге. Қазіргі уақытта, жоба жетекшісі тиісті құрал-жабдықтар алып келуге ҚХР-ға іс-сапарға баруға құжаттар рәсімдеумен айналысуда. Бұған дейін серіктестік 2018 жылыкірпіш шығаруға қажетті саз өндіруге Жосалы кентінің солтүстік-батыс беткейінен жер телімін және жер қойнауын пайдалануға рұқсат алған болатын. Саз өндіру карьерінің жалпы ауданы 11,52 га;

2) Жеке кәсіпкер «Барыстың» (Жұмалиев Қайрат) «Қабырға блоктарын (сплитерные блоки) шығару цехы» жобасы. Жобаны «Бизнестің жол картасы-2020» бизнесті қолдау мен дамытудың бірыңғай бағдарламасы аясында қаржыландыруға қол жеткізілді. Несие көлемі 20,0 млн. теңге. Несие қаражатына цехқа қажетті құрал-жабдықтар сатып алынды.


Қармақшы ауданы, Жосалы кентіндегі №1 Индустриялық аймаққа өнеркәсіп саласындағы кәсіпорындар орналастыру.

Индустриялық аймақтың жалпы ауданы 15 га. Инженерлік инфрақұрылымдармен жабдықталған (су, электр энергиясы, автожол). Индустриялық аймақтан өндіріске жер телімдерін Өңірлік Үйлестіру Кеңесіне инвестициялық жоба ұсыну арқылы аукционсыз немесе аукцион негізінде алуға болады.

Қазіргі таңда, индустриялық аймақта екі кәсіпорын орналасқан (иеленіп отырған жер көлемі 3,1 га). Олар «Мир-2001» ЖШС-нің «Бетон бұйымдарын және құрылыс құмын өндіру» және «Аят-Темір» ЖШС-нің «Металл қалдықтарын қайта өңдеу» жобалары.

Инвесторларға және жоба бастамашыларына, өнеркәсіп саласындағы жобаларын іске асыруға, Индустриялық аймақтан жер телімдері ұсынылады. Аудан әкімдігі және аудандық кәсіпкерлер палатасы іске асырылатын жобаларды сүйемелдеуге әзір. Сүйемелдеуге кәсіпкерлікті қолдауға бағытталған бағдарламалар шеңберінде қаржылай және (немесе) қаржылай емес қолдау көрсету, құжаттар топтамаларын жинауға көмектесу сияқты шаралары кіреді.

Қармақшы ауданы Ақай ауылынан көкөніс сақтау қоймасын ашылуы.Көкөніс қоймасын ашудың негізгі алғы шарттары болып Байқоңыр қаласы және Төретам, Ақай елді мекендерінің нарығы болып табылады. Бұл нарықтағы барлық көкөніс сырттан әкелінеді және жоғары бағада сатылады. Көкөніс қоймасын ашу бұл нарықта тиімді бизнес болады деп есептейміз. Қойма салуға ниет білдірген инвесторға Ақай ауылынанан жер телімін бөлу және қажетті инженерлік инфрақұрылымдарға қосылу мүмкіндігі қарастырылатын болады.

Қармақшы ауданы бойынша Төретам кенті және Жосалы кентінде сауда саласын дамытуда ірі супер маркеттер мен ірі көтерме сауда орындарын ашуға мүмкіндіктер бар. Себебі, аудан халқын қамтамасыз ететін ірі супер маркеттер мен ірі көтерме сауда орындары жұмыс жасамайды. Қармақшы ауданында4 сауда базары жұмыс жасаудабарлығыІІ санатты, олар «Бибінұр», «Мақсат», «Таңсықбай» базарлары. Базарлардың барлығы әмбебап, аралас болып есептеледі. Аудан көлемінде сауда орындары заманауи технологияларды пайдалана отырып қызмет жасайтын «Сұлтан-1», «Сұлтан-2», «Орда», «Адина», «Мағжан», «Раушан», «Әділ-Ас», «Алтын Орда». Аудан көлемінде жалпы 583 сауда дүкендері бар.

Қармақшы ауданынан ауыл шаруашылығы өнімдерін қабылдау және өңдеу пункттерін ашу. Соңғы жылдары Қармақшы ауданында кәсіпкерлікті қолдау және халықты жұмыспен қамтуға бағытталған бағдарламаларды іске асыру барысында мал басы артып келеді. Осы ретте, ет және сүт өндіру бағытында кәсіп жүргізіп отырған шағын қожалықтардың өнімін қабылдау, сақтау және өңдеу орындарын ашу заман талабы екені даусыз. Қармақшы ауданынынң әкімдігі бұл бағыттағы жобаларды қарауға, сүйемелдеуге және жан-жақты қолдау шараларын қарастыруға әзір.

Қармақшы ауданында ішкі туризімді дамыту шаралары. Қармақшы ауданы тарихи есекрткіштер мен жәдігерлерге бай өлке. Атап айтқанда Қорқыт ата кешені, Жеті асар оазис алқабы, Шірік рабат қалашығы, Байқоңыр ғарыш айлағы және басқа да қазақ халқына еңбегі сіңген аяулы азаматтардың қармақшы топырағындағы кесенелерін қамтитын туристтік маршруттар жасақтау.

Сонымен қатар, Қармақшы ауданының аумағында 3 аңшылық алқабы орналасқан. Олар: 1) Алдашбай ахун, Қуаңдария, Т.Көмекбаев ауылдық округтерінің аумағында орналасқан «Қарақ» аң аулау алқабы (60183 га), 2) Төребай би, Жаңажол, ІІІ-Интернационал, Ақтөбе, Ақжар ауылдық округтері аумағында орналасқан «Жеті асар» аң аулау алқабы (378200 га), 3) Ақай, Төретам елді мекендерінің солтүстік беткейінде орналасқан «Өзек» аң аулау алқабы (45811 га). Аталған алқабтардан туристтік базалар ұйымдастыруға мүмкіндіктер бар.


Қармақшы ауданының инвестициялық мүмкіндіктері

Аудан көлеміндеинвестициялық мүмкіншіліктер мен инвестор тартуға біршама мүмкіндіктер жасалған. Сондай инвестиция салуға ыңғайлы жобалардың бірі - Индустриялық аймақ. Индустриялды аймақ Жосалы кентінің солтүстік беткейінде орналасқан. Аумағы 15 га. Инфрақұрылым толық жүргізілген (жарық, су, жол). Транспорттық логистикасы да жұмыс жүргізуге қолайлы. Атап айтқанда аймақтың оңтүстігінен Батыс Европа- Батыс Қытай тас жолы мен темір жол желілері өтеді. Қазіргі кезде мұнда екі жоба орналасып, өз жұмыстарын бастап кетті. 15 гектар аумақтың қазіргі уақытта 9,5 га жері бос, пайдалануға жарамды.

Сонымен қатар құрылысқа қажетті заттарды өндіруге ыңғайлы, зерттелген жер қойнауларыда бар. Солардың бірі «Ордазы» карьері. Мұнан алынған құмды фракцияларға бөлу арқылы құрылыс құмы мен ұсақ тастарды (щебень) алуға болады. Карьер кенттің солтүстік бетінде 7 шақырым қашықтықта орналасқан. Инвестиция салуға қолайлы. Қазір бұл жерде «Ордазы құм» ЖШС, «Мир 2001» ЖШС, «АНК Даулет» ЖШС сияқты компаниялар жер үлестерін алып өнім өндіруде.

Сондай-ақ аудан көлемінде құрылысқа қажеттізерттелген саз балшықты (суглинка) жерлерде бар.Олар Жосалы кенті, Қармақшы а/о, Ақжар а/о, Дауылкөл а/о аймақтарында бар. Бұл жерлерден құрылысқа қажетті сапалы күйдірілген қыш (кирпич) шығаруға болады. Қазіргі кезде Жосалы кентінің аумағындағы «Сарыөзек» жер қойнауынан күйдірілген қыш шығаруды «Қармақшы құрылыс» ЖШС қолға алуда.

Жоғарыда аталған инвестиция салуға қолайлы өндіріс орындары инвесторларды қызықтырған жағдайда аудандық кәсіпкерлік, өндіріс және туризм бөлімінен толық мағлұматты алуға болады.

  • Жарияланған күні: 12.03.2019 07:07
  • Жаңартылған күні: 11.10.2019 13:28
  • Көргендер саны: 947
Астана 20 жыл
Қызықты ақпарат
Сіз электронды үкіметтің порталы арқылы қызмет алдыңыз ба?
Халықтан сұхбат

Оқиғалар күнтізбесі